​Түтіндіктің жарамдылығын қадағалаңыз

30 қазан күні 16 сағат 48 минутта облыстық ТЖД кезекшісінің пультіне Исатай ауданы Аққыстау ауылындағы Ынтымақ көшесі, 27/14 үйде жеті адамнан тұратын отбасының газдан уланғаны туралы хабарлама түсті.

31, 31 және 29 жастағы үш ересек, тоғыз, жеті жастағы және 3 жастағы екі егіз балалар зардап шекті. Олардың жағдайлары қанағаттанарлық, орталық аудандық ауруханада дәрігерлердің бақылауына алынған және үйлеріне шығуға әзірленуде. Алдын ала болжам бойынша, олар түтіндіктің жарамсыздығы салдарынан уланған.

Мұрат СҰЛТАНҒАЛИЕВ