Қырғызстанда қазақстандық препаратты сынау кезінде екі адам көз жұмды

2 636 просмотра

Қырғызстанда қазақстандық туберкулезге қарсы дәрілік препаратты клиникада сынақтан өткізу салдарынан екі адам көз жұмды деп хабарлады Азаттық Қырғызстанның бас прокуратурасына сілтеме жасап.

Прокуратура сайтында жарияланған ақпаратта FS-1 препаратын 54 науқасқа қолданып көру кезінде препарат олардың 10-ына жанама әсер еткені, екі адам қайтыс болғаны айтылады.

Прокуратураның мәліметіне қарағанда, Қырғызстан денсаулық сақтау министрлігі жанындағы ұлттық фтизиатр орталығы қазақстандық «Ұлттық инфекцияға қарсы препараттар орталығы» компаниясымен FS-1 препаратын тиісті аккредитациядан өткізбей клиникалық сынақтан өткізуге келісім жасасқан.

Қазір Қырғызстан Ұлттық фтизиатр орталығы мен дәрі-дәрмекпен қамтамасыз ету және медициналық техника департаментінің лауазымды қызметкерлері заңсыз клиникалық сынақ жасады деп айыпталып отыр. Оларға «қызмет бабын теріс мақсатта пайдаланды» және «қызмет бабында жалған құжат жасады» деп айып тағылған.

Дереккөз: Аzattyq.org

25 қазан 2016, 15:36

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.