Прагада ұсталған "ресейлік хакердің" аты-жөні анықталды

1 873 просмотра

Прагада АҚШ-тағы компьютерлік желілерге хакерлік шабуыл жасады деген күдікпен ұсталған Ресей азаматы - 29 жастағы Евгений Никулин екені белгілі болды. "Настоящее время" телеарнасы Никулиннің Instagram-дағы аккаунты арқылы оның 5 қазанда тұтқындалғаннан бірер апта бұрын Беларусь пен Польша арқылы Чехияға жеткенін анықтады,- деп хабарлады Азаттық.

Ресей сыртқы істер министрлігінің баспасөз хатшысы Мария Захарова Прагада ұсталған күдіктінің Никулин екенін растады. Ол Никулиннің ұсталуын "АҚШ құқық қорғау органдары жариялаған әлемде Ресей азаматтарын жаппай тұтқындау науқанының тағы бір көрінісі" деп атады. Мәскеу Никулинді қайтаруға шақырады. Таяу күндері Никулинді АҚШ-қа экстрадициялау мәселесі бойынша сот болмақ.

Күдіктінің нақты қандай сайттарға хакерлік шабуыл жасағаны әсірге белгісіз. Дегенмен, LinkedIn онлайн-платформасы тұтқындау 2012 жылы өзінің базасынан мәліметтердің ұрлануына қатысты болуы мүмкін дейді. АҚШ билігі Ресейді 8 қарашада өтетін президент сайлауының нәтижесіне ықпал ету үшін кибер шабуылдар жасады, америкалық компьютер жүйелерінен мәліметтерді ұрлауды ұйымдастырды деп айыптайды.

Дереккөз: Аzattyq.org

21 қазан 2016, 10:24

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.