​Жасөспірімді жұмысқа алған

Сотта Атырау қаласындағы мейрамханалардың бірінің әкімшісіне қатысты ҚР Әкімшілік құқықбұзушылық туралы кодекстің 132-бабына сәйкес ("Кәмелетке толмағандардың түнгi уақытта ойын-сауық мекемелерiнде болуына жол беру») әкімшілік іс қаралды.

Қысқаша айтқанда, 28 тамызда полицейлер жүргізген рейд барысында мейрамханада 15 жастағы жасөспірімнің даяшы болып жұмыс істеп жүргені анықталды.

Облыстық соттың баспасөз қызметі хабарлағандай, мейрамхана әкімшісі кінәлі деп танылып, оған 21 АЕК (44 541 теңге) көлемінде айыппұл жазасы тағайындалды.

Мұрат СҰЛТАНҒАЛИЕВ