В Атырау -10 
Астана. 3 қазан. ҚазТАГ – Бауыржан Мұқанов. Қазақстан журналистер одағының төрағасы Сейтқазы Матаевты 6 жылға бас бостандығынан айырды, деп хабарлады агенттік тілшісі.
«Сот үкім етеді: Матаев Сейтқазыны ҚР Қылмыстық кодексінің 245 бабы 3 тармағында, 190 бабы 4 тармағында, 2 тармақшасында қарастырылған қылмыстық құқық бұзушылық жасаған деп танып, жиынтық түрде Матаев Сейтқазыға қылмыстық жолмен тапқан, немесе қылмыстық жолмен тапқан қаражатқа сатып алған мүлкін тәркілеп, 6 жыл бас бостандығынан айыру, өмір бойына ұйымдастырушылық-таратып беру және материалдық жауапкершілік функцияларға қатысы бар мемлекеттік, коммерциялық мекемелерде басшылық қызметте істеу құқығынан айырылсын және жазасын жалпы тәртіптегі түзету колониясында атқарсын», - деді Астананың №2 Есіл аудандық сотының төрағасы Ақболат Құрмантаев дүйсенбі күні үкімді жариялап.
С. Матаев сот залында қамауға алынды.
Дереккөз: ҚазТАГ