​Қоқыс үшін айыппұл салынды

Санитарлық-эпидемиологиялық және экологиялық талаптарды бұзғаны үшін «Жылыой Тазалық» ЖШС-не жалпы сомасы 200 мың теңгеден астам сомада айыппұл салынды.

Жылыой аудандық прокуратурасы тексеру барысында «Жылыой Тазалық» ЖШС-не тиесілі қоқыс полигоны төңірегіндегі жердің тұрмыстық қалдықтармен және мұнай өнімдерімен ластанғанын анықтады.

- Бірқатар заң бұзушылықтар анықталды: қалдықтардың бір бөлігін полигон аумағының сыртына төккен, полигонға кірер ауызға қоқыс шығаратын көліктердің дөңгелектерін залалсыздандыру үшін дезинфекциялайтын бетон ванна орнатылмаған, контейнерлер лас, қоқыс шығаратын көліктер жуылмайды, - деді Жылыой аудандық прокуратурасының прокуроры Сапар ТҰРСЫНБЕКОВ.

Прокуратура Экология департаментіне ұсыныс енгізіп, содан кейін ЖШС-не ҚР Әкімшілік құқықбұзушылық туралы кодексінің «экологиялық» үш бабы бойынша жалпы сомасы 233 310 теңгеге айыппұлдар салынды.