Әкім талап қойды, «Арнаулы автобаза» орындады

Облыс әкімі Нұрлан НОҒАЕВТЫҢ «Арнаулы автобаза» ЖШС тарапына айтылған сынынан кейін кәсіпорын басшылығы бірқатар шаралар алды, соның ішінде, көше тазалаушылардың жалақыларын екі есеге көбейтті.

– Бізде 150 бос орын бар. Адамдар мұндай жұмысты жасағылары келмейді, оларды да түсінуге болады – жұмыстары көп, жалақысы аз. 1 қыркүйектен бастап көше тазалаушылардың жалақылары 41 540 теңгеден 80 мыңға дейін (зиян мен мереке күндеріндегі жұмыстар үшін үстеме ақыны қосқанда) өсірілді, – дейді «Арнаулы автобаза» директорының орынбасары Самат ТҰРНИЯЗОВ. – Қазан айында арнайы техника жүргізушілерінің жалақыларын көтеретін боламыз.

Ол, сонымен қатар, кәсіпорынның қоқыс шығаратын 10 жаңа көлік алуды жоспарлап отырғанын хабарлады. Атыраудың 290 нүктесінде 4 және 6 метрлік контейнерлер қосымша орнатылатын болады.

Тамара СУХОМЛИНОВА