Тергеу тобы: Малайзия ұшағын Ресейден әкелген «Бук» атқан

1 498 просмотра

Фото: ReutersХалықаралық тергеу тобы 2014 жылы 17 шілдеде Malaysian Airlines компаниясының Украинаның шығысында апатқа ұшыраған Boeing 777 ұшағын Ресейден Украинаға әкелген «Бук» қондырғысымен атқан деген қорытындыға келді,- деп хабарлады Азаттық.

Бүгін таңертең таныстырылған есепте зымыранның сепаратистер бақылауындағы Снежное қаласынан алты километр жерден атылғаны жазылған. Ұшақты сепаратистер өздері атты ма әлде Мәскеудің қатысы болды ма - есепте ол жайлы айтылмаған.

2014 жылы 17 шілдеде Malaysian Airlines компаниясының MH17 рейсі бойынша Куала-Лумпурден Амстердамға бет алған Boeing 777 ұшағы Украинаның шығысында сепаратистер бақылауындағы ауданда апатқа ұшырап, борттағы 298 адам түгел қаза тапқан. Былтыр Нидерланд қауіпсіздік кеңесі жариялаған есепте MH17 рейсін «ресейлік «Бук» кешені атып түсіргені» айтылған.

Дереккөз: Аzattyq.org

28 қыркүйек 2016, 18:34

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.