Израильдің бұрынғы президенті Шимон Перес көз жұмды

1 614 просмотра

Фото: ReutersБүгін, 28 қыркүйекте таңертең Тель-Авивтегі ауруханада Израильдің бұрынғы президенті әрі премьер-министрі Шимон Перес қайтыс болды,- деп хабарлады Азаттық.

92 жастағы Перес 13 қыркүйекте екі апта бұрын алған инсульттен соң Тель-Авив маңындағы ауруханаға түскен.

Нобель сыйлығының лауреаты Шимон Перес 2007 жылдан 2014 жылдың шілдесіне дейін Израиль президенті болған. Ол Израиль үкіметін 1995-1996 жылдар аралығында басқарған.

1992 жылы ол Израиль сыртқы істер министрі болып тұрғанында Палестинаны азат ету ұйымының жетекшісі Ясир Арафатпен құпия келіссөз жүргізген. Келіссөз нәтижесінде Ослода келісімге қол қойылған. Бұл жетістікке байланысты Арафатқа, Перес пен Израильдің сол кездегі премьер-министрі Ицхак Рабинге бейбітшілік саласындағы Нобель сыйлығы берілген.

Дереккөз: Аzattyq.org

28 қыркүйек 2016, 09:45

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.