Жерді заңсыз иемденгендерге айыппұл салынды

Жылыой аудандық прокуратурасы жер телімдерін заңсыз басып алу және өз мақсатына сай пайдаланбау туралы 104 фактіні анықтады.

Мәселен, Құлсарыда 28 адам жер телімдерін заңсыз иеленіп келген.

- Біз бұл фактілер бойынша Жер Кодексін бұзғандарға қатысты әкімшілік жауапкершілікке тарту бойынша шара қолдану туралы Атырау облыстық жер инспекциясына ұсыныс енгіздік, - дейді Жылыой ауданы прокуратурасының аға прокуроры Арман АЙТҚАЛИЕВ. - Облыстық жер инспекциясының қаулысымен Құлсарының 28 тұрғынының әрқайсысы 79 537 теңге көлемінде айыппұл төлеуі тиіс. Жер телімдерінің әрі қарайғы тиістілігі мәселесі шешілуде.

Ләззат ҚАРАЖАНОВА