Қозғалысты шектеу туралы ескерту-2

Кәріз жүйесіне жаңбыр және еріген қар суларын бұру құбырын жүргізуге байланысты 17 қыркүйек сағат 8.00-ден 18 қыркүйек сағат 20.00-ге дейін Сәтпаев даңғылының екі жағындағы (жұп және тақ бөліктері) көлік қозғалысы – «Рубин» дүкенінен орталық көпір түбіндегі жол түйініне дейін ішінара шектеледі.

№4 қалалық «Нұрсая ықшамауданы – “Дина" базары», №12 «Авангард – Балықшы», №14 «Авангард – Вокзал», №30 «Авангард – Жеңіс бағы – Жилгородок», №30А «Авангард – Жеңіс бағы – Жилгородок – Балықшы – Нұрсая», №21 «СМП-163 – ескі Әуежай» және №64 «“Дина" базары – Жұмыскер п.» маршруттары Авангард жақтан Құлманов көшесінің бойымен – Құрманғазы көшесінен Ерниязов көшесіне дейін жүретін болады.

Привокзальный жақтан келетін қалалық маршруттар қозғалысы Владимирский көшесімен, Луговой көшесімен («Мерей» базары), Құрманғазы көшесімен әдеттегі сызба бойынша жүреді.