Ердоған Обамамен Гүленді экстрадициялау мәселесін талқылайды

Фото: ReutersТүркия президенті Реджеп Ердоған АҚШ басшысы Барак Обамамен 4 қыркүйекте Қытайдан өтетін "Үлкен жиырмалық" елдерінің жиынында кездеседі. Кездесу кезінде Ердоған дін қайраткері Фетхулла Гүленді экстрадициялау мәселесін талқыламақ,- деп хабарлады Азаттық.

Бұл туралы Түркия президентінің кеңесшісі Ибрагим Калын мәлімдеді. АҚШ бұл мәлімдемеге қатысты әзірге пікір білдірген жоқ.

24 тамызда Түркияға барған АҚШ вице-президенті Джо Байден "АҚШ Гүленге тағылған айыпты тексеріп, заңға сүйеніп шешім қабылдайтынын" айтқан.

Түркия президенті 15 шілдеде болған мемлекеттік төңкеріс жасау әрекетін АҚШ-тың Пенсильвания штатында тұратын Фетхулла Гүленнен көреді. Гүлен бүлікке қатысы барын жоққа шығарады.

Дереккөз: Аzattyq.org