Атырау ықшамауданы тұрғыны полицияға 24 тамызда шамамен түн ортасында белгісіз біреу үйінің пластик терезесін сындырғанын хабарлады. Бұзақы ұсталды, ол көршілес үйде уақытша тұрып жатқан Өзбекстан азаматы екен. Тергеу жүріп жатыр.
***
Қала іргесіндегі Жаңаталап ауылының тұрғыны полицияға тамызда 25 жастағы Атырау тұрғыны одан ақшасын бөліп төлеймін деп «Приора» автокөлігін сатып алғанын және тиісті ақша сомасын мерзімінде төлемегеніне шағымданды. Тергеу жүргізілуде.
***
Отыз жастағы қала тұрғыны полицияға 25 тамыз күні таңертең Геолог поселкесіндегі дүкен жанында белгісіз әйел оның қызының құлағынан алтын сырғаларын шешіп алып, жасырынғанын хабарлады. Күдіктінің бет-бейнесі анықталды, ол Батыс Қазақстан облысының 20 жастағы әйелі екен. Оған іздеу жарияланды.
***
Криминалдық полиция Әуезов көшесіндегі кафеде келушілердің бірінің сөмкесінен 98 мың теңге ұрлап алған 25 жастағы қала тұрғынын ұстады.
***
Орман шаруашылығы және жануарлар дүниесі аумақтық инспекциясының қызметкерлері қала іргесіндегі Еркінқала ауылы аумағынан Жайық өзенінде жүрген «Меркурий-40» аспалы моторы бар «Казанка 5М3» қайығында отырған екі жергілікті тұрғынды ұстады. Тексеру барысында қайықтан 4 келі бекіре тұқымдас балық пен 51 келі қара балық табылды. Осы факт бойынша материалдар су полициясына жолданды.