20 тамыз күні кеште Атырау қаласының 37 жастағы тұрғыны полицияға Сәтпаев даңғылында тұрған өзіне тиесілі «Хюндай Акцент» автокөлігін 32 жастағы танысының ұрлап мініп кеткендігін мәлімдеген. Бейнекамералар көмегімен көліктің қозғалысы анықталып, қашқынды сол Сәтпаев даңғылында қолға түсірген. Тергеу жүргізілуде.
***
21 тамызда түнде Азаттық даңғылында полиция 27 жастағы Атырау қаласының тұрғыны жүргізіп келе жатқан «Тойота Камри» автокөлігін тоқтатады. Жүргізушінің тиісті құжаттары болмай шыққан және мас күйде болған. Құжаттарынан 2014 жылы 5 жыл мерзімге айырылған.
***
21 тамыз күні Сатыбалдиев көшесінде полиция «Инфинити» автокөлігін тоқтатқан, 28 жастағы жүргізуші мас күйде болған, ал құжаттарынан 2015 жылы наурызда үш жыл мерзімге айырылған болып шықты.
***
Криминальды полиция 40 жастағы Атырау қаласының тұрғынын ұстады. Ол 21 тамызға қараған түні бұзақылықпен Азаттық даңғылында тұрған екі автокөліктің терезе әйнектерін сындырған.