Армения соты Ресей сарбазы Пермяковқа өмірлік түрме жазасын кесті

1 603 просмотра

Фото: GETTY IMAGESАрмения соты ресейлік сарбаз Валерий Пермяковты армян отбасының жеті адамын өлтірді деп айыптап, өмір бойына бас бостандығынан айыру жазасын кесті,- деп хабарлады Азаттық.

Арменияның солтүстік-батысындағы Гюмри қалалық соты 23 тамызда шығарған үкімінде Ресей сарбазының жазасын қай жерде өтейтінін нақтылаған жоқ.

Бұған дейінгі сот процесінде кінәсін мойындаған Пермяков 19 тамыздағы соттың жарыссөзінде соңғы сөзін айту құқығынан бас тартқан.

Ресейдің Гюмри қаласына жақын әскери базасында қызмет еткен Пермяков 2015 жылы армян отбасының жеті адамын, оның ішінде екі баланы өлтірген соң әскери базадан қашып кеткен. Ол ұзамай Армения-Түркия шекарасында ұсталған.

2015 жылы тамызда Ресейдің әскери соты Пермяковты әскерден қашты, қару-жарақ ұрлады және оны заңсыз алып жүрді деп айыптап 10 жылға соттаған. Ресей бұдан соң оны Арменияға тапсырған.

Дереккөз: Аzattyq.org

23 тамыз 2016, 17:03

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.