Левиттің жекпе-жегінде төрелік еткен қазылар Олимпиададан шеттетілді

Суретті түсірген Данияр МайлыбаевХалықаралық әуесқой бокс федерациясы (AIBA) Риодағы Олимпиада ойындарынан шеттетілген төрешілердің есімін жариялады, - деп хабарлайды Tengrinews.kz сайты "Чемпионат"-қа сілтеме жасап.

Шеттетілген төрешілердің қатарында қазақстандық Рақымжан Рысбаев та бар. Сондай-ақ, Мик Бэйси (Ұлыбритания), Хейра Сиди Якуб (Алжир), Майкл Галлахер (Ирландия), Мариуш Горний (Польша), Херардо Погги (Аргентина) мен Владислав Малышев (Ресей) Олимпиададан шеттетілді.

Айта кетейік, шеттетілген үш судья Василий Левит пен ресейлік Евгений Тищенконың финалдағы жекпе-жегінде болған еді. Онда Погги рингте төреші болса, Якуб пен Галлахер судья ретінде қызмет етті. Жеңісті Тищенкоға беру туралы шешімді жакүйерлер мен мамандар сынға алған болатын.

Сонымен қатар, Якуб тағы да бір даулы Владимир Никитин мен Майкл Конланның жекпе-жегінде төреші болды. Онда да жеңісті ресейлік азаматқа берді. Сол кезде ирландиялық боксшы төрешіге ортаңғы саусағын көрсетіп, AIBA ұйымын қаншалықты сыбайласқан парақорлар екенін айтты. "Олар - жолы болмаған жексұрындар. Әуесқой бокстың саудасы біткен. Мен енді AIBA атынан еш уақытта шықпаймын. Мен мұнда алтын алу үшін келдім, бірақ менің арманымның күл-талқанын шығарды. Мен жолы болмаған адам емеспін, мен жеңімпазбын. Бүгінгі жекпе-жек осы ұйымның қаншалықты сыбайласқан парақорлар екенін көрсетті", - деген еді Конлан.

Дереккөз: Tengrinews.kz