В Атырау +3 
Тамыздың 3-де кешкісін Құлманов көшесінің бойындағы супермаркет күзетшісі Привокзальныйдың 55 жастағы тұрғынын азық-түлікті ұрлауға әрекет ету кезінде ұстады. Ол түсіндіру жұмыстарынан кейін босатылды.
***
Атыраудың 26 жастағы тұрғыны 23 жастағы танысының өз пәтеріндегі шкафтан 40 мың теңгесін ұрлап алғандығын полицияға мәлімдеді. Күдіктіге іздеу жарияланды.
***
Алмагүл ықшамауданындағы пәтерлердің бірінде 2 тамызда сүйіктісімен ренжісіп қалған 22 жастағы қыз бір уыс ұйықтататын дәрі ішіп, өмірімен қош айтыспақ болған. «Жедел жәрдем» медиктері дәрі-дәрмекпен уланудың алдын алды.
***
Жылыой АІІБ-не Құлсары қаласының 40 жастағы тұрғыны шағымданды: 20 жастағы танысы жұбайының сеніміне кіріп алып, табысы жоғары жұмысқа кіргіземін деп уәде беріп, 1,5 млн теңге мөлшеріндегі ақшасын иеленіп алған. Күдіктіге іздеу жарияланды.