«Сарайшық» базары үш айдан соң жұмысын жалғастырады

Атырау коммуналдық «Сарайшық» базары жұмыстарын 1 қарашадан кейін жалғастырады. Бұл туралы қалалық әкімдіктің кәсіпкерлік бөлімінің басшысы Руслан ИБРАЕВ хабарлады.

- 15 маусымда базарда орын алған өрт себебін тергеу әлі аяқталған жоқ. Есептен шығаруға тиесілі жабдықтар тізімі жасалуда (кейбір мәліметтер бойынша, өрт салдарынан базардың азық-түлік бөлімінің 18 тоңазытқышы мен бүкіл электр сымдары істен шыққан – М.С.). Қалалық бюджеттен жобалау-сметалық құжаттама жасауға қаржы бөлінді, - дейді Р.Ибраев. – Бізге бүкіл заңмен белгіленген тендерлік процедураларды сақтау үшін үш ай керек. Коммуналдық базар жұмысын жалғастыру мәселесі қала әкімінің тұрақты бақылауына алынған.