Ауыл зейнеткері газ баллоны жарылған кезде ауыр күйік алды

29 шілдеде таңертең облыстық ТЖД пультіне Исатай ауданы Хамит Ерғалиев ауылының маңындағы Үшкөпір деген жерде газ баллонының жарылғаны туралы хабарлама түскен.

Төтенше жағдай салдарынан 75 жастағы зейнеткердің денесінің 65 пайызын күйік шалған. Ол аудандық ауруханаға жатқызылыпты. Біз зардап шегуші жатқан жансақтау бөлімінің дәрігерлеріне қоңырау шалған едік. Оның жағдайы ауыр екен.

Мұрат СҰЛТАНҒАЛИЕВ