ХОК Олимпиада ойындарына спорттың бес түрін қосуды қолдады

Халықаралық Олимпиада комитеті (ХОК) Олимпиада ойындарының бағдарламасына спорттың бес түрі - каратэ, серфинг, құзға шығу, скейтбординг пен бейсбол/софтболды қосуды қолдады, - деп хабарлайды Tengrinews.kz сайты Vesti.kz-ке сілтеме жасап.

Сондай-ақ, спорттың бұл түрлерін 2020 жылы Токиода өтетін Олимпиада ойындарының бағдарламасына қосу жоспарланып отыр. Алайда, соңғы шешімді Халықаралық Олимпиада комитеті 3 тамызда айтады.

Айта кетейік, бейсбол 1992-2008 жылдар аралығында, ал софтбол 1996-2008 жылдар аралығында Олимпиада ойындарының бағдарламасында ресми түрде болған екен.

Еске салайық, 2016 жылы өтетін Олимпиада ойындары Рио-де-Жанейрода (Бразилия) 5-21 тамыз аралығында өтеді.

Дереккөз: Tengrinews.kz