В Атырау 0 
Табиғи монополияларды реттеу және бәсекелестікті қорғау комитетінің департаменті 2016-2020 жылдарға арналған «ҚазТрансГаз Аймақ» АҚ Атырау өндірістік филиалының (ҚТГА АҚ АӨФ) газ құбырымен таратылатын газ тасымалының шекті тарифін бекітті.
Бұл туралы хабарлама ҚТГА сайтында жарияланды. Жаңа тариф 1 қыркүйектен бастап қолданысқа енгізіледі.
ҚТГА АӨФ үшін газ тасымалдаудың қолданыстағы тарифі бір мың текше метр үшін (ҚҚС-сыз) 1 269,32 теңгені құрайды. Тарифті бекіту туралы өтінімде монополист 2016-2020 жылдарға арналған шекті деңгейді бір мың текше метр үшін 5 701,42 теңге мөлшерінде бекітуді өтінген. Яғни, қазіргіден 4,5 есеге көп. Алайда монополияға қарсы департамент тарифті 1 769,42 теңге деңгейінде бекітті, яғни, 39%-ға көтерді.
Естеріңізге салсақ, ҚТГА АӨФ директоры Мақсот ӘБУОВТЫҢ айтуынша, тұрғындар үшін газдың босату бағасында тасымалдау тарифінің үлесі 21 пайызды құрайды (тұрғындар үшін тауарлық газды босату бағасы 2015 жылдың 1 шілдесінен бастап бір мың текше метр үшін 6 021,42 теңгені құрайды).
Мұрат СҰЛТАНҒАЛИЕВ