Тыйым салынған жерде шомылған екі адам суға батып кетті

20 шілдеде «Алтын сазан» демалыс базасында демалушы екі адам суға кетіп қалды.

Қоңырау «112» қызметінің кезекшісіне кешкі сағат бесте түскен. 39 жастағы әйел мен 35 жастағы ер адам суға батып кеткен. Өзеннен олардың денелерін сүңгуірлер алып шыққан.

- «Алтын сазан» демалыс базасының жағажайы биыл ресми түрде ашылмады, - дейді «БӨАЖҚЖ» ММ сүңгуір-құтқару бөлімшесінің басшысы Самат ҚҰБАШЕВ. – Ол жерде шомылуға тыйым салатын ескерту белгілері орнатылған. Тиісінше, ол жерде біздің посттар болмады.