​Жалған лаңкес ұсталды

Бүгін, 5 шілдеде сағат 16.18-де «102» пультіне ер адам қоңырау шалып, масаң дауыспен «Атырауда теракт болады» деп хабарлап, тұтқаны қойып тастаған.

- Бүкіл күш құрылымдарына хабардар етіліп, жедел-іздестіру шараларын жүргізу кезінде жұмыс жасамайтын, бұрын сотталған Атырау қаласының 1951 жылғы тұрғыны анықталып, ұсталды. Ол мас күйде болған, - дейді ІІД баспасөз қызметінің жетекшісі Гүлнәзира МҰХТАРОВА. – 6 жылға дейін бас бостандығынан айыру жазасын қарастыратын ҚР ҚК-нің 273-бабы («Дайындалып жатқан терроризм актiсi туралы көрiнеу жалған хабарлау») бойынша сотқа дейінгі тергеу ісі басталды. Күдікті уақытша ұстау абақтысына қамалды.

Зульфия БАЙНЕКЕЕВА