БАҚ: АҚШ Ресейге Сирияда жаңа ынтымақтастық жоспарын ұсынды

Фото: ReutersАҚШ Сирия дағдарысын Рсееймен бірлесіп шешудің жаңа тәсілін ұсынды. Washington Post басылымының хабарлауынша, ұсыныс Мәскеуге осы аптада жіберілген. Ұсыныста АҚШ "Әл-Қаидамен" байланысы бар "Джабхат әл-Нусра" тобына қарсы операция бойынша ақпарат алмасып отыруға шақырады. Кремльдің Барак Обама әкімшілігінің саяси бағдарды түбегейлі өзгерту туралы ұсынысына жауап бергені, я бермегені әзірге белгісіз,- деп хабарлады Азаттық.

Ресейлік және америкалық әскерилер Сирияда бірдей операция жүргізіп жатыр. Вашингтон Мәскеуді Сирия президенті Башар Асадқа көмектесіп, көтерілісшілердің шептерін бомбалайды деп айыптайды.

Бұдан бірнеше апта бұрын ресейлік жойғыш ұшақтар АҚШ қолдайтын Сирия оппозициялық күштерін Вашингтонның қарсылығына қарамастан екі рет бомбалаған. Америка билігінің өкілдері жеке сұхбаттарда бомбалауды "өте күрделі оқиға" деп атады.

Дереккөз: Аzattyq.org