Атырау облыстық қылмыстық істер жөніндегі сот алқасы экс-полицей Манарбек ӨТЕУОВ пен оның сыбайласы, Өзбекстан азаматы Асан ҚҰРБАНБАЕВТЫҢ апелляциялық шағымдарын қарады.
Естеріңізге салсақ, 3 мамырда М.Өтеуов ҚР ҚК-нің 99-бабының 2-тармағының 5,8-тармақшасы («Пайдакүнемдік ниетпен аса қатыгездiкпен адам өлтіру»), 385-бабы («Жалған құжаттар жасау»), 191-бабы («Тонау»), 361-бабының 4-тармағы («Ауыр зардаптарға әкеп соққан лауазымдық өкiлеттiктерді теріс пайдалану»), 188-бабының 3-тармағы («Ірі мөлшерде ұрлық жасау»), 380-бабы («Билік өкiлiне қатысты күш қолдану») бойынша кінәлі деп танылып, қатаң режимдегі колонияда 22 жылға бас бостандығынан айыру жазасына, ал А.Құрбанбаев ҚР ҚК-нің 188-бабының 3-тармағы («Ірі мөлшерде ұрлық жасау») бойынша кінәлі деп танылып жалпы режимдегі колонияда 4 жылға бас бостандығынан айыру жазасына кесілген болатын.
Облыстық соттың баспасөз қызметі хабарлағандай, апелляциялық инстанция сотының қаулысымен М.Өтеуов пен А.Құрбанбаевқа кесілген сот үкімдері өзгеріссіз қалдырылды.
Мұрат СҰЛТАНҒАЛИЕВ