В Атырау -9 
Латвия Республикасының азаматы Орал-Атырау трассасында бірнеше ешкіні басып кеткені үшін айыппұлмен жазаланды.
2016 жылдың мамырында «Scania» көлігіне мінген шетелдік жүргізуші Орал-Атырау трассасында жол қозғалысы ережесін сақтамай және метеорологиялық жағдайды ескермей келе жатады. Нәтижесінде жол бойындағы төрт ешкіні басып кетеді. «Ол Әкімшілік құқық бұзушылық туралы кодекстің 610-бабының 1-тармағы («Жүргiзушiлердiң көлiк құралдарының немесе өзге де мүлiктiң бүлінуіне әкеп соққан жол қозғалысы ережесін бұзушылығы») бойынша кінәлі деп танылды. Сот отырысында ол өзінің кінәсін ішінара мойындады», - деп хабарлайды облыстық соттың баспасөз қызметі. Индер аудандық сотының қаулысымен Латвия азаматына 10 АЕК (21 210 теңге) көлемінде айыппұл салынды.
Зульфия ИСКАЛИЕВА