ДСҰ басшысы Британия ЕО-дан шығатын болса экспорттаушылар 8 млрд. доллардан айырылатынын айтты

1 528 просмотра

Егер Ұлыбритания тұрғындары референдумда Еуроодақтан елдің шығуына дауыс берсе, британдық экспорттаушылар 8 млрд. долларға дейін қаражаттан айырылады, деп хабарлады Gazeta.ru Дүниежүзілік сауда ұйымының (ДСҰ) бас директоры Роберто Азеведоға сілтеме жасап.

Сонымен бірге ол ЕО-дан шығу шетелдік әріптестермен сауда тоқтамайды, бірақ та ол Британия үшін «өте нашар жағдайда өтуі мүмкін» деп атап өтті.

Сондай-ақ ДСҰ басшысы егер ел ұйымнан шығатын болса, Британияның ЕО-мен сауда айналымын қалпынпа келтіруге қанша уақыт кететінін әзірге бағалау мүмкін емес, деп мәлімдеді. Оның пікірінше, келіссөздер 10 жылға және одан да көп уақытқа созылуы мүмкін.

Бұдан бұрын, Британияның ЕО-дан шығуын жақтайтындар саны 41 пайызға дейін артқаны хабарланған болатын.

Ұлыбританияның Еуропалық одаққа мүшелігі туралы референдум 2016 жылғы 23 маусымда өтеді.

Дереккөз: ҚазАқпарат

8 маусым 2016, 10:55

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.