ЖШС директоры пара бергені үшін сотталды

№2 қалалық сот ҚР ҚК-нің 367-бабы («Пара беру») бойынша үкім шығарды.

Бұл облыстық еңбек инспекциясының бұрынғы басшысы Салауат ИШАЙ мен оның орынбасары Әліпқали ДӘУЛЕТЬЯРОВТЫҢ парақорлығы туралы атышулы істің «жаңғырығы» («Жүйеден тыс жемқорлық»).

Қалалық прокуратура бөлімінің прокуроры Гүлфайруз КУСАЛИЕВА хабарлағандай, сот ЖШС-лердің бірінің бас директорының Дәулетьяровқа 275 мың теңге мөлшерінде пара бергенін анықтады. Сотталушы өз кінәсін толықтай мойындап, өкініш білдірді. Оған 8 250 000 теңге (параның 30 есе мөлшері) айыппұл тағайындалды. Үкім әлі заңды күшіне енген жоқ.

Мұрат СҰЛТАНҒАЛИЕВ