В Атырау +3 
Махамбет аудандық соты аудан тұрғынына 260 келі қаракөзді иемденгені үшін 200 сағат қоғамдық жұмыс жасауға үкім шығарды.
Сотталушы балықты наурыз айында Жайықтан балықшылардан алған. Балықты өзінің «ВАЗ-2121» көлігіне тиеп, сату үшін Атырауға кетеді. Талғайраң селосына жақын жерде оны жол-патрульдік полиция қызметкерлері тоқтатады.
– Сот ҚР ҚК-нің 196-бабында («Көрiнеу қылмыстық жолмен табылған мүлiктi иемдену немесе өткізу») қарастырылған қылмыстық құқықбұзушылық жасады деп айыпталған С.Б.-нің ісін қарады. Сотталушының жеке басын және оның материалдық жағдайын (ол жұмыссыз) ескере отырып, сот оны 200 сағат мерзімге қоғамдық жұмысқа тарту түрінде жаза тағайындады, – деп хабарлайды облыстық соттың баспасөз қызметінің өкілдері.
Сот үкімі заңды күшіне енді.
Зульфия ИСКАЛИЕВА