Reuters: Савченконы ресейлік екі тұтқынға айырбастады

2 151 просмотра

Ресейде сотталған украиналық ұшқыш Надежда Савченконы Украинада сотталған екі ресейлікке айырбастады деп хабарлады Азаттық Reuters агенттігіне сілтеме жасап. Дереккөзі Савченко Украина президенті ұшағымен Дондағы Ростовтан Киевке жеткізілгенін хабарлаған.

Бұған дейін ақпарат құралдарында алдағы бірнеше сағатта Савченконы Украинада терроризм айыбымен сотталған ресейлік Александр Александров пен Евгений Ерофеевке алмастырылатыны хабарланған.

Russia Today телеарнасы ресейліктер отырғна ұшақтың Мәскеуге ұшып шыққанын хабарлады.

Бүгін таңертең Украина президенті Петр Порошенконың Ерофеев пен Александровқа рақымшылық жасау туралы өтініш бергені белгілі болған.

Кеше Порошенко Савченконы босату үшін ресейліктерге рақымшылық жасау туралы өтініш беруге дайын екенін мәлімдеген.

Ресей соты Савчкенконы биыл наурызда Украина шығысында ресейлік екі журналистің өліміне қатысы бар деп айыптап, 22 жылға соттаған. Савченко журналистер өліміне қатысы барын жоққа шығарып, өзін ресейшіл сепаратистер ұрлап, Ресейге беріп жібергенін айтады.

Украина Донбаста ұсталған ресейлік екі азамат Александр Александров пен Евгений Ерофеевті Украина шығысында сепаратистер жағында соғысты деп әрқайсысын 14 жылға соттаған.

Дереккөз: Аzattyq.org

25 мамыр 2016, 15:22

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.