360 миллиард теңге зейнетақы қоры бар

Атырау облысындағы зейнетақы жинақтарының жалпы сомасы 359,37 млрд теңгені құрады. Бұл туралы «Бірыңғай жинақтаушы зейнетақы қоры» АҚ АФ директоры Вячеслав ЖҰМЫРОВ бірінші тоқсанның қорытындысы бойынша өткен брифингте хабарлады.

Қор мамандарының айтуынша, Қазақстанда зейнетақы жарналарының бүкіл түрлері бойынша жалпы келісімшарттар саны 10, 1 млн-ды құрайды. Атырау облысы бойынша - 373 390, соның ішінде міндетті зейнетақы жарналары бойынша 354 564, міндетті кәсіби зейнетақы жарналары бойынша 18 мыңдай, ерікті зейнетақы жарналары бойынша – 766. БЖЗҚ-ның зейнетақы активтері бойынша жылдық табыстылық 2015 жылдың сәуірі мен 2016 жылдың сәуірі аралығында 16,9 пайызды құрады.