​БҚО-да суға батып кеткен баланың денесі Индер ауданынан табылды

12 мамырда Индер ауданы Аққала ауылының тұрғындары Жайық жағасынан 6-7 жасар ер баланың мүрдесін тауып алды.

Аудандық ішкі істер бөлімі 2 мамыр күні Батыс Қазақстан облысы Ақжайық ауданы Тайпақ ауылында сол жас шамасындағы баланың жоғалып кеткені туралы деректен хабардар болатын. Олар дененің сол балаға тиесілі екенін анықтау үшін оның ата-аналарын Аққалаға шақырды. Баланың ата-аналары денені танып, оны үйіне алып кетті.

Ләззат ҚАРАЖАНОВА