В Атырау -7 
Жыл басынан бері Атырау қаласында жаяу жүргіншілердің қатысуымен 16 жол-көлік оқиғасы орын алды. Оның 9-нда адамдар белгіленбеген жерлерден жолды кесіп өткен. Жаяу жүргіншілердің жол жүру ережесін бұзғаны үшін әкімшілік құқықбұзушылық туралы 1 052 хаттама толтырылды.
***
Мамырдың 2-не қараған түні «Батыс-7» патрульдік полицей экипажы орталық көпір бойымен келе жатып, көпір қанатына шығып алып, Жайыққа секірмек болған қызды байқайды. Қыздың жігітімен ренжісіп қалған соң өмірімен қоштасуға бел байламақ болғаны анықталды. Қыз ІІБ-нің кезекші бөліміне жеткізіліп, алдын алу әңгімесі жүргізілгеннен кейін үйіне жіберілді.
***
Мамырдың 3-іне қараған түні №1 қалалық полиция бөлімінің кезекші бөлімшесіне (Балықшы п.) Әуезов көшесіндегі кафелердің бірінде дабыл жүйесі іске қосылғандығы туралы хабарлама келіп түсті. «Батыс-1» патрульдік экипажы металл-пластик терезелер мен металл торларды бұзып, ішке кіріп, кондиционер, сауда таразылары мен азық-түліктерді ұрлауға тырысқан екі күдіктіні ұстады. Күдіктілер заттай айғақтармен бірге кезекші бөлімшеге жеткізіліп, мойындау жауаптарын берді. Олардың басқа қылмыстарға қатыстылығы тексерілуде.