​Құлсарыда қоқыс жәшігінен өлі шарана табылды

Көрнекі сурет20 сәуір күні таңертең Құлсары қаласында қоқыс жинаушылар қоқыс жәшігінен жаңа туған сәбидің өлі денесі тауып алды.

- Бұл қыз бала екен. Сәбидің денесінен зорлық белгілері байқалмады. Сот медициналық сараптама тағайындалды, - дейді облыстық ІІД баспасөз қызметінің басшысы Гүлнәзира МҰХТАРОВА. - Аталған факт бойынша ҚР ҚК 100-бабы («Жаңа туған баланы анасының өлтіруі») бойынша қылмыстық іс көтеріліп, сотқа дейінгі тергеп-тексеру амалдары жүруде.

Ләззат ҚАРАЖАНОВА