Құлсары қаласындағы Sinooil жанармай құю бекетін тонау ісі әлі ашыла қойған жоқ.
Сәуірдің 14-нен 15-не қараған түні Жылыой аудандық ІІБ-нің кезекші пультіне сағат 02.55-те жанармай құю бекетінің оператор-кассирінен хабарлама түседі. Оның айтуынша, сағат 02.30 шамасында бастарына капюшондарын киген, шолақ мылтықпен қаруланған белгісіз екеу ғимараттың ашық есігінен кіреді. Олар қаруларымен күзетшіні және оператор-кассирді қорқыта отырып, кассадан 20 мың теңгені алып, іздерін суытады.
ІІД баспасөз қызметінің хабарлағанындай ҚР ҚК 192-бабы («Қарақшылық») бойынша сотқа дейінгі тергеу басталған.
Ал бейнебақылау камерасына түсіп қалған қылмыс әрекетін WhatsApp мессенджер арқылы қолданушылар бір-бірінің ұялы телефондарына жолдауда.
Зульфия ИСКАЛИЕВА