Аргентинада мұғалімдер жалпыұлттық ереуілге шықты

Фото: 24.kzАргентинада бүгін мұғалімдер жұмыс орындарын тастап, жалпыұлттық ереуілге шықты,- деп хабарлайды 24.kz.

Олар еңбек шарттарын жақсартып, жалақыларын көтеруді талап етіп отыр. Ұстаздар уәде етілген 30%-дық үстемені әлі алмағандарын айтып ашынады. Наразы топ «білім беру саласының мыңнан астам қызметкерін қысқарту туралы шешімімен де келіспейміз» деп отыр. Бас көтеріп шыққандар биліктен осыдан 9 жыл бұрын көз жұмған әріптесінің қазасына қатысты тергеу амалдарын жалғастыруды сұрады. 2007 жылы оқытушылардың бірі ереуіл кезінде алған жарақатынан айыға алмай, мерт болған еді.

Дереккөз: 24.kz