В Атырау +3 
Бұл туралы Атырау облысы бойынша Сыбайлас жемқорлыққа қарсы іс-қимыл ұлттық бюросының департаменті таратқан баспасөз релизінде хабарланды.
«Департамент қызметкерлері жеке кәсіпкерден қорқытып пара алу фактісіне байланысты Жылыой аудандық ІІБ жергілікті полиция қызметі бастығының орынбасары майор Д.Ахиповтың қылмыстық қызметін құрықтады. Ахипов Д. лауазымдық өкілеттігін теріс пайдаланып, жеке кәсіпкер Т-дан Құлсары қаласының орталық базарында халық тұтынатын тауарларды сататын жерлердегі оның қызметкерлеріне тиіспеу үшін, сондай-ақ, жалпы қамқорлық жасағандығы үшін қорқытып пара алып отырғандығы анықталды».
Әрі қарай, 25 наурызда Ахипов аталмыш кәсіпкерден 30 мың теңге мөлшерінде пара алу кезінде ұсталды деп хабарланады. Сотқа дейінгі тергеу жұмыстары жүргізілуде.
Мұрат СҰЛТАНҒАЛИЕВ