Керри Путинмен келіссөз жүргізді

Фото: newsru.comАҚШ мемлекеттік хатшысы Джон Керри мен Ресей президенті Владимир Путин төрт сағатқа жуық келіссөз жүргізіп, Сирия мен Украина мәселесін талқылады. Керри кездесудің "нәтижелі" болғанын, Путинмен Украина шығысында қақтығысты тоқтату және Ресейде сотталған украиналық ұшқыш Надежда Савченконың тағдырына қатысты мәселені талқылағанын мәлімдеді.

Ресей сыртқы істер министрі Сергей Лавров Мәскеу Керриге Савченкоға қатысты ұстанымын білдіргенін айтты. Ол бұған қоса, Вашингтон Киевті Минск келісімін орындауға көндіреді деген үмітте екенін, ал Ресей өз тарапынан Луганск мен Донецк облыстарындағы сепаратистерге қысым көрсететінін айтты.

Керри АҚШ пен Ресейдің Сирияда саяси өзгерістер жасауға уағдаласқанын да айтты.

Дереккөз: azattyq.org