Тәулік ішінде айлық жауын-шашын нормасы жауды

14 наурызда таңертеңнен бері тәулік ішінде Атырау қаласында 19 мм айлық нормада 19,6 мм жауын-шашын жауды. Бұл туралы «Қазгидромет» РМК метеоболжам бөлімінің басшысы Күлайна МЫРЗАШЕВА хабарлады.

Осы сағатта ТЖД-ға жеке сектордағы үйлерді суға кетіп жатқаны туралы 62 хабарлама түскен. ТЖД-да «қызу желі» ашылды: тел. 45-41-75, 45-41-47, 45-07-00.

Таяу күндері облыс бойынша жауын-шашындар, кей жерлерде күшті нөсер болады, солтүстік-батыс бағыттан ұйтқып соққан жел секундына 17-22 метрге дейін күшейеді деп күтілуде.

16, 17, 18 наурызда 2-7 градусқа дейін аяз түсіп, күн суытады деп күтіліп отыр. Ал Атырауда – 2-4 градус аяз, тайғақ, боран болады, содан соң күн жылынады деп болжанып отыр.