​«Астананы» ойсырата ұтты

Шайбалы хоккейден ел чемпионатының өз алаңында өткізген екі матчында атыраулық «Бейбарыс» қонақтар – «Астана» командасының қақпасына жиырма жауапсыз гол соқты.

Бірінші матчтың 9-минутында Альберт ВИШНЯКОВ есеп ашты. Осыдан кейін «Астана» қақпасына «мәмлүктер» командасының барлық ойыншылары гол соқты десе де болады. Ойын аяқталғаны туралы төреші ысқырығы естілгенде есеп 8:0 болатын. Екінші матч та осы сарында өтті, тек мұнда алаң иелері жауапсыз 12 гол соқты.

Мұрат СҰЛТАНҒАЛИЕВ