Босния және Герцеговина ЕО-ға кіру туралы өтініш берді

Босния және Герцеговина билігінің Еуроодаққа кіру туралы мәлімдемесіне еуропалық сарапшылардың дені күмәнмен қарап отыр, деп хабарлайды ВВС.

Бүгін таңертең Еуроодақ Босния және Герцеговина Республикасынан одаққа кіру туралы ресми өтініш алды, деп мәлімдеді ЕО-ның сыртқы істер жөніндегі өкілі Федерика Могерини.

Могерени Босния және Герцеговина маңызды қадамға барып отырғанын, әйтсе де бұл ұзақ жолдың тек басы ғана екенін атап өтті. Аталған елдің Еуроодаққа мүше болуға өтінім беретіні қаңтар айында белгілі болған.

Дегенмен еуропалық сарапшылардың басым бөлігі Босния және Герцеговинаның батыл қадамына күмәнмен қарап отыр. Олардың дені бұл ел ЕО-ға мүше болуға саяси және экономикалық тұрғыдан дайын емес деп санайды.

Дереккөз: bnews.kz