10 ақпанда түн ортасында Балықшы – Жұмыскер көпірі мен Рембаза ауылының маңында екі топ төбелесіп, оқ атылды, 5 адам жарақаттанды.
Атырау облыстық ІІД баспасөз қызметінің жетекшісі Гүлназира МҰХТАРОВАНЫҢ ақпараты бойынша, жараланғандардың біреуі «жедел жәрдем» көлігінің ішінде ауруханаға жетпей қайтыс болған. Атырау қалалық ІІБ және облыстық ІІД криминалдық полиция қызметкерлері қылмыс жасады деген күдіктілерді (нақты саны айтылмайды) ізін суытпай тауып, ұстады. 1993 жылы туған күдіктілердің бірі уақытша оқшаулау абақтысына қамалды, қалғандары ешқайда кетпеу туралы қолхатпен босатылды. Адамдарға осыдан оқ атылған деп болжанып отырған шолақ мылтық тәркіленді. Сараптама тағайындалды. ҚР ҚК-нің 99-бабы («Кісі өлтіру») бойынша қылмыстық іс қозғалды. Сотқа дейінгі тексеру жүріп жатыр.
Тамара СУХОМЛИНОВА