Енді ет бөлгіштер бар

30 желтоқсанда нағыз жаңажылдық сауданың қызған шағында «Көктем» базарында ет және жеміс-көкөніс өнімдерін сататын жаңа жабық павильон ашылды.

Базар қожайыны «БТТ» компаниясының директоры Тілек БАЯМИРОВТЫҢ айтуынша, сауда павильонының жалпы алаңы екі қабатымен қоса есептегенде, 12 мың шаршы метрді құрайды екен. Бірінші қабаттағы ет сататын залда 200 сауда орны, екінші қабатта да осындай мөлшерде жеміс-жидек, көкөністер сататын орындар бар. Орынжай саудагерлердің жартысынан көбін орналастыруға мүмкіндік береді. Ғимаратта ветеринариялық және токсикологиялық зертханалар, етті шабуға емес, бөлуге мүмкіндік беретін станоктары бар ет бөлгіштер бар. Өйткені етті шабу зақым келтіруі мүмкін қауіпті жұмыс.

Мұрат СҰЛТАНҒАЛИЕВ

Суретті түсірген В.Истомин