Кенжетай Рамазанов«Жыл кәсіпкері» атанды

Өткен жұма күні дәстүрлі «Жыл кәсіпкері-2010» шарасы болып өтті.

«Асүй мен сервис шебері» номинациясы бойынша Мұрат АЙТБАЕВ басшылық ететін «Ай-Жан» мейрамхана кешені үздік деп танылды. Қызмет көрсетуді көп қабатты үйдің бірінші қабатындағы шағын кафеден бастаған «Ай-Жан» кешені бүгінде қаладағы ең танымал орындардың біріне айналды.

Сонымен түрлі номинациядағы марапаттарға тоқталсақ:

«Қызмет көрсету саласы»- «Баттерфляй» шаштаразынан Альфия БАЙРАМОВА. Альфияға келушілер бір ай бұрын жазылып қояды екен.

«Отбасылық бизнес»- ағайынды тоғыз БАЛЖІГІТТЕР. Ағайынды жігіттербірнеше – құрылыс, өндіріс, қоғамдық тамақтану, экология бағыттары бойынша жұмыс істейді. Нысандары ауданда да, облыс орталығында да орналасқан.

«Сауда көшбасшысы»- «Атаба» компаниясының тобынан Асқар ТАУБАЕВ. Бұл компания күн сайын облыс бойынша мыңнан аса дүкендерге азық-түліктерді жеткізуді қамтамасыз етіп отырады.

«Бизнес жәнеспорт»– «РимСтрой»ЖШС, директоры Рафхат ЖҰМАҒАЛИЕВ. Бұл мекеме көптеген жергілікті спортшыларға демеушілік көрсетеді.

«Атырауда жасалған»- «Жиһаз Инвест» ЖШС-нен Марат ЕЛЕУСІНОВ. Компания жергілікті өндіруші боп табылады, бұл «СТ KZ» сертификатымен расталған. Үйге, кеңселерге, оқу және медицина орындарына арнап жиһаздар шығарады.

«Жыл құрылысшысы»- «АтырауЭнергоТехСервис» ЖШС-нің директоры Ихлас ҚАЛИЕВ. Құрылыс-монтаждау және жөндеу-пайдалануға беру, көлік жөндеу және техникалық қызмет көрсету жұмыстарымен айналысады. Аджип ККО, ТШО кәсіпорындары бұл кәсіпорынмен келісім-шарттар жасаған.

«Шаруа қожалығы»- «АтырауАгроӨнімдері» ЖШС-нің, директоры Владимир РОЗМЕТОВ. Төрт жыл ішінде бұл қожалық шошқа өсірумен, құс өсірумен, ара өсірумен, бекіре тұқымдас балықтарды өсірумен және т.б. айналысатын ірі шаруа қожалығына айналған.

«Кәсіпкер әйел»-«ЭйЭлСиСи»ЖШС-нің директоры Людмила ЛИ. Серіктестіктің лингвистикалық және компьютерлік орталығы бар. Қазақ, ағылшын, француз, орыс тілдерін оқытумен айналысады. Лингвистикалық орталықта ағылшын тілді театр студиясы бар.

«Кәсіпкер-2010» номинациясы бойынша жеңісті Кенжетай РАМАЗАНОВ басшылық ететін «Альянс СК» ЖШС иеленді. Серіктестіктің негізгі қызмет көрсету түрі – ПВХ материалынан, алюминийден жасалған жарық өткізгіш мөлдір конструкцияларды өндіру және монтаждау, ғимарат қасбеттерін қаптау. «Альянс СК» ЖШС мамыр айында шыны пакеттерін өндіру цехын іске қосқан болатын.

Тамара СУХОМЛИНОВА