Төртінші МӨЗ-дің техникалық-экономикалық негіздемесі бірнеше айдан соң жасалуы мүмкін

Фото: gazeta.kzҚазақстандағы төртінші мұнай өңдеу зауытының техникалық-экономикалық негіздемесіне бірнеше айдан соң тапсырыс берілуі мүмкін. Бұл туралы бүгiн Астанада өткен ҚР ЖЖМ нарығындағы жағдайға қатысты дөңгелек үстел барысында Энергетика вице-министрi Мағзұм Мырзағалиев мәлімдеді, деп хабарлайды BNews.kz тiлшiсi.

«Бүгінгі күні жұмыс тобы аталған мәселемен айналысып жатыр. Бірнеше айдан кейін техникалық-экономикалық негіздемеге (ТЭН) тапсырыс беру қажеттігі туындайтын шығар. Содан кейін, ТЭН нәтижелері бойынша шешім қабылдау мәселесі қаралады», - деді вице-министр журналистердің жаңа мұнай өңдеу зауытын салуға қатысты сауалына.

Дереккөз: bnews.kz