Жамбыл облысында тікұшақ құлады, зардап шеккендер жоқ - БАҚ

Фото: Қазақпарат СТАНА, 27 ақп – Қазақстан жаңалықтары АА. Талас ауданы Қаратау қаласында ұшырылым уақытында Eurocopter ЕС 130 тікұшағы құлады, деп хабарлады Қазақпарат агенттігі Жамбыл облысы ТЖД баспасөз қызметіне сілтеме жасап.

«27 ақпанда сағат 12.20-да Жамбыл облысы ТЖД жедел кезекші пультіне «Қазаэронавигация» РМК Бриффинг-Тараз тобының диспетчерінен хабарлама келіп түсті, онда Жамбыл облысында 27 ақпанда сағат 12.05-те «TalasInvestmentCompany» ЖШС-ның цианид натрий өндіретін зауыт аумағындағы тікұшақ алаңында ұшырылым кезінде Eurocopter ЕС 130 тікұшағы құлағаны хабарланды. Экипаж командирі тікұшақты жалғыз өзі басқарған, жолаушылар болмаған, зардап шеккендер жоқ», - делінген ТЖД хабарламасында.

Борт  нөмірі ЕЦ-010, бір моторлы жеңіл Eurocopter ЕС 130 тікұшағы  «Кама» операторы (ОҚО)  «СауТС Ойл» ЖШС-ға тиесілі.

Алдын ала деректер бойынша, апат себебі тікұшақтың басқару жабдығы істен шыққан.

Оқиға орнына Талас ауданының ТЖБ, ӨБ-5 өрт бөлімі, ІІБ жедел тобы келді. Барлығы 16 адам, 5 техника.

Бұл - Жамбыл облысында жыл басынан бастап орын алған екінші оқиға. Еске салсақ, 20 қаңтарда «Шатыркөл» кен орнында АН-2 ұшағы апатқа ұшырап, үш экипаж мүшесі, үш жолаушы   қаза тапқан.

Дереккөз: newskaz.kz