Атырау, 20 тамыз 23:22
Таңертең ашық+34, күндіз +37
ҚР Ұлттық банкінің валюта бағамы: $ 386.80  € 429.27  P 5.78

Белгіден бұрын бастап кетті

29 желтоқсан 2010 00:00

Облыстық әкімдікте еліміздің президентінің өкілеттігін 2020 жылдың соңына дейін ұзарту туралы референдумды өткізу үшін қол жинау асығыс түрде басталды.

Желтоқсанның 25-сі күні облыстық әкімдік басқармаларының барлық қызметкерлеріне әрбіреуі кем дегенде 400 қол жинасын деген бұйрықпен 20-30 бланкіден таратылды. Сол себепті демалыс күндері түрлі дәрежедегі мамандардың өздерінің барлық алыс-жақын туыстарының, достары мен таныстарының үйлеріне кіріп шығуларына тура келді. Ал жазылатын қағаздағы сұрақ былай келтіріліпті: «Сіз республикалық референдумда ҚР Бірінші Президенті – Елбасы (Ұлт Көшбасшысы) Н.Ә.Назарбаевтың президенттік өкілеттігін 2020 жылдың 6-желтоқсанына дейін ұзартасыз ба?».

Және президенттің өкілеттігін ұзарту туралы референдумды өткізуге ынталы топ Орталық сайлау комиссиясында тіркеліп, енді азаматтардан қол жинауға кірісуге құқылы екендігі туралы ақпарат желтоқсанның 27-сі күні ғана пайда болды. Сол күні де Орталық сайлау комиссиясының басшысы Қуандық ТҰРҒАНҚҰЛОВ: «Қазақстанда еліміздің президенті Нұрсұлтан Назарбаевтың өкілеттігін 2020 жылдың соңына дейін ұзарту бойынша референдумды өткізу туралы бастаманы қолдауға азаматтардан қол жинау басталды» деп хабарлады.

Әр аймақ орташа алғанда кем дегенде 12,5 мың қол жинауға тиіс. Бірақ, біздің ертерек бастап кеткенімізге қарағанда, біздің шенеуніктер қайтадан жөнсіз тырмысып, қолды екі есе көп жинайтынын сеніммен айтуға болады.

Бір қызығы, референдумды қолдағандардың (депутаттар, қоғам қайраткерлері, кәсіпкерлер мен саясаткерлер) келтірген дәлелдерінің бірі – мемлекеттік бюджетті үнемдеу.

Соған қарағанда, елімізде дағдарыс артта қалды деп, статистика алдап отыр-ау.

Сәуле ТАСБОЛАТОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1997 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4