Қазақстанның Ұлттық банкі елде қолма-қол шетел валютасы тапшылығының жоқ екендігін мәлімдеді

Қазақстанда қолма-қол шетел валютасының тапшылығы жоқ, деп хабарлады Қазақстанның ұлттық банкі.

"Қазақстан Республикасының Ұлттық Банкі елде қолма-қол шетел валютасы тапшылығының жоқ екендігін мәлімдейді", - делінген жұмада ведомствоның сайтында жарияланған хабарламада.

Қазақстан Республикасының Ұлттық Банкі және оның аумақтық филиалдары елдің барлық облыстарында, сондай-ақ Астана және Алматы қалаларында валюта нарығындағы ахуалға күнделікті мониторингті жүзеге асырады.

"Айырбастау пункттері екінші деңгейдегі банктердің тарапынан да, сол сияқты Ұлттық Банктің тарапынан да қолма-қол шетел валютасының жеткілікті көлемімен қамтамасыз етілген", - делінген хабарламада.