Google аудармашыда енді қазақ тілі бар

2 523 просмотра

Бүгін Google Аудармашы қазақ тіліне арналған қызметі іске қосылады, деп хабарлайды Tengrinews.kz тілшісі Қазақстан баспасөз клубына сілтеме жасап.

Саяхатқа барайын деп жатсаңыз немесе басқа тілде сөйлейтін адамдармен жай аралассаңыз, Google Аудармашы сізге жаңа ақпаратқа жол ашып, адамдармен тіл табысуға көмектеседі, делінген хабарламада.

Google компаниясының мамандары "Аудармашы Интернеттегі мәліметтердің орасан үлкен қорына қол жеткізуге мүмкіндік беріп, қазақ тілінде оны барынша түсінікті етеді. Енді құжаттардың, поштадағы хабарламалардың мазмұнын, тіпті чаттарда жазысқан хаттарды да лезде қазақ тіліне және 90-нан астам басқа да тілдерге толығымен тегін аударуға болады. Өнімді тек компьютерлерде ғана емес, сонымен бірге ұялы құрылғыларда да қондыруға болады", - деп мәлімдеп отыр.

Айта кетейік, бұған дейін Google Translate қазақ және ағылшын тілін білетіндерді қызметтестікке шақырғаны туралы хабарланған болатын.

Дереккөз: tengrinews.kz

12 желтоқсан 2014, 11:12

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.