Назарбаев аптаның соңында «Азия-Еуропа» форумының саммитіне қатысады

Қазақстан президенті Нұрсұлтан Назарбаев аптаның соңында Миланда өтетін Азия-Еуропа» форумының саммитіне қатысады деп хабарлайды Ақорданың баспасөз қызметі.
«16-17 қазанда Қазақстан Президенті Милан қаласына (Италия Республикасы) сапармен барады деп көзделуде, оның аясында «Азия-Еуропа» форумының 10-шы саммитіне қатысу, сондай-ақ бірқатар екіжақты кездесулер өткізу жоспарланған»,-делінген хабарламада.
Басты тақырыбы «Орнықты даму және қауіпсіздікті нығайту жолындағы жауапты серіктестік» деп аталатын форум жұмысына 50-ге жуық елдің мемлекет және үкімет басшылары қатысады.
«Қазақстан Орталық Азиядан осы форумның мүшесі мәртебесіне ие болған бірден-бір ел болып саналады»,-деп атап көрсетілген хабарламада. 

Дереккөз: Қазақстан жаңалықтары АА.